రాత్రి కురిసిన వాన

  • 1492 Views
  • 0Likes

    పద్మావతి రాంభక్త

  • విశాఖపట్నం
  • 9966307777

రాత్రి కురిసిన వాన
ఆ మొక్కతో ఏదో రహస్యం చెప్పినట్టుంది
మొక్క పూల ముఖంతో కిలకిలా నవ్వింది
మొగ్గ విరిసి పరిమళపు పాటతో
వనమంతా పరుగులు తీసింది

రాత్రి కురిసిన వాన
నేలతో ఏదో గుసగుసలాడినట్టుంది
నేల కమ్మని మట్టివాసనతో గుబాళించింది
విత్తనం మొలకకు పచ్చరంగును పులిమి పైకెత్తింది

రాత్రి కురిసిన వాన
ఎండిన కొమ్మను చినుకు చేతులతో తడిమినట్టుంది
కొమ్మ కొత్తచిగురు తొడుక్కుని కళకళలాడింది
ఆకులు మురికిని కడిగేసుకుని హరితనేత్రాలను మెరిపించాయి

రాత్రి కురిసిన వాన
నా మనసుతో మాత్రం చల్లని కబుర్లు చెప్పింది
నిదురలేవగానే కాస్త కవిత్వం కాగితమంతా ఒలికింది

వెనక్కి ...


మీ అభిప్రాయం

  కవితలు


ఏమీ రాయని పలకలతో

ఏమీ రాయని పలకలతో

పాయల మురళీకృష్ణ


కన్నీరయిన స్వప్నం

కన్నీరయిన స్వప్నం

డా.వై.రామకృష్ణారావు


ఆటలాడు భాష మాటలాడు

ఆటలాడు భాష మాటలాడు

జాగాన సింహాచలం


తెలుగుభాష సోయగం

తెలుగుభాష సోయగం

గుండంపాటి విజయసారధి