నీ నీడలో....

  • 762 Views
  • 0Likes

    డా॥ దిలావర్‌,

  • పాల్వంచ భద్రాది జిల్లా.
  • 9866923294

నువ్వు వేగుచుక్కవై
తెల్లవారుఝామును మేల్కొల్పుతున్నప్పుడు
ఆ లేత వెలుగు రేకల్ని ఏరుకుంటూ
మా నిద్రమత్తు ఆవులించేది
కోటేరు వేసుకొని నువ్వు పొలం వెళ్తుంటే
యుద్ధానికి వెళ్తున్న సైనికుడిలా ఉండేది
నువ్వు నాగలై, కర్రై, ఎదగొర్రై
మట్టిలోకి చొచ్చుకుపోయినప్పుడల్లా
మట్టి; అణువణువూ తన్మయత్వంలో పులకించిపోయేది
నీ చెమటలో నానిన మట్టిలోంచి
కేర్‌మంటూ విత్తనం మొలకెత్తడం
ఎంత కళాత్మక సృజన!!
నీకోసం ఆకాశంలోంచి పొలంలోకి దిగి
నక్షత్రాలు నక్షత్రాలుగా అర్రొంచడం
ఎంత మనోహర దృశ్యం!!
సేదదీరు తున్నప్పుడల్లా
నువ్వొక హరిశ్చంద్ర పద్యానివై
చీకటి ముసిరిన పల్లెను
సంగీత విద్యుత్తరంగాలతో వెలిగించడం
మన ఊరింకా మరచిపోలేదు
లోకంలో అన్నిటికన్నా ఆకలే పెద్ద రోగమైనప్పుడు
నువ్వు అన్నపు ఔషధం గావడం....
ప్రపంచమెప్పుడూ నీకు రుణపడే ఉంటుంది
ఎవరన్నారు నువ్వు పోయావని?
నువ్వు చెట్టువై కొమ్మలు చాచి
మమ్మల్ని అక్కున చేర్చుకోవడం
ఇప్పుడ గతమే కావచ్చు
నువు ఇచ్చిన నీడ మాత్రం
మా బతుకులకు చల్లని అండగా మిగిలే ఉంది
పొలాల్ని చూసినప్పుడల్లా
నువ్వు పచ్చ పచ్చగా పలకరిస్తున్నట్టుగానే ఉంటుంది.

వెనక్కి ...


మీ అభిప్రాయం

  కవితలు


వైవిధ్యం

వైవిధ్యం

బి.బాల‌త్రిపుర సుంద‌ర‌తేజ‌


నువ్వెవరూ!

నువ్వెవరూ!

ఎస్‌.ప్రవీణ్‌కుమార్‌


మనిషి ఎంత మంచివాడో

మనిషి ఎంత మంచివాడో

ఎర్రాప్రగడ రామమూర్తి


నాన్న రుణం

నాన్న రుణం

కొత్త అనిల్‌కుమార్


మా అమ్మ...

మా అమ్మ...

జి.భిక్షం


చీక‌టి దుప్ప‌టి మాటున‌

చీక‌టి దుప్ప‌టి మాటున‌

సి.హెచ్‌.వి.లక్ష్మి