తెలుగు రైతు

  • 1738 Views
  • 6Likes

    ఎస్‌.ఆర్‌.పృథ్వి

  • రాజమహేంద్రవరం,
  • 9989223245
ఎస్‌.ఆర్‌.పృథ్వి

పచ్చని పల్లెతనంలో కరిగి
పంటభూమిగా విస్తరిస్తాడు
చినుకురాలి
చింత తీరగానే
ఆశయాల విత్తులు నాటి
వరికంకులై మొలకలెత్తుతాడు
తీరని వేదనా భారాన్ని
గుండెకింద అణచిపెట్టి
చిరునవ్వును పెదాలపై చిలకరిస్తాడు
పంట పురుగులు
ఆత్మవిశ్వాసాన్ని కొరికేస్తాఉన్నా
అప్పులు, వడ్డీల్లో నాని
హృదయాన్ని పిండేస్తాఉన్నా
చెదరని హుందాతనాన్ని
తలపై పాగాచేసి నిలుపుతాడు
పంట పరువానికొచ్చిన వేళ
పొలం గట్టుమీద నులకమంచమై
కళ్లలో దివిటీలు
వెలిగించుకుంటాడు
అనుభవించిన కష్టాలన్నింటినీ
శ్రమ స్వేదంలో కడిగేసి
జాతినోట అన్నం మెతుకవుతాడు
పండగలు సంబరాలైనప్పుడు
పల్లె గుమ్మానికి
పచ్చతోరణమై పరవశిస్తాడు
గుడిలో గంటై మోగి,
జనసీమను మేల్కొలుపుతాడు
ముంగిట్లో రంగవల్లై
అందరినీ పలకరిస్తాడు
తనే పండగై శోభిస్తాడు
జీవనాడి తెలిసిన తెలుగురైతు!

 

వెనక్కి ...


మీ అభిప్రాయం

  కవితలు


పరిణయం

పరిణయం

ప్రియాంక వజ్రాల


కళామతల్లి

కళామతల్లి

వి.కె.టి.మహాలక్ష్మి


బాల్య‌పు సంక్రాంతి

బాల్య‌పు సంక్రాంతి

డా।। పి.కామేశ్వరీ జయలక్ష్మి


కాలం ఒక ఇనుప గొలుసు

కాలం ఒక ఇనుప గొలుసు

వెంకటేష్‌ పువ్వాడ


అన్నీ ఆమే

అన్నీ ఆమే

జడపల్లె మాధవాస్సుధ