పునర్నిర్మాణం

  • 60 Views
  • 0Likes

    దోర్నాదుల సిద్దార్థ

  • పలమనేరు, చిత్తూరు జిల్లా.
  • 9492374787

తూర్పు ముఖానికి ఎర్రబొట్టు పెట్టిన
‘‘పడుచుపల్లె’’
ప్రపంచీకరణ విషపు కౌగిలిలో
కరిగి ఉడిగిపోయింది
రోజూ సూర్యుణ్ని ప్రసవించే
చెరువు ఎండిపోయింది
ఏట్లో కాలుష్యం
మనసులలోకి పాకింది
నాగలి నాట్యానికి నవ్వే నేలని
రియలెస్టేట్‌ ఆబోతులు
‘‘మేసేసాయి’’
ఉత్తరాన చింతతోపుకి
సెజ్‌ పురుగు కుట్టింది
ఇక్కడ
మనిషి వాసన వచ్చే మట్టి గోడలు
స్వార్ధపు వరదలో కొట్టుకుపోయాయి
ఇప్పుడన్నీ గట్టిగోడలు
పరాయి మనుషులే కాదు
మనసులూ రాలేవు
ఒకడి గొండెకోతకు 
ఊరంతా పొగిలి ఏడ్చిన పల్లె
ఇప్పుడు రాజకీయ జెండాల కింద
చీల్చబడింది
పాలిచ్చిపెంచిన పట్నం
ఇప్పుడు పల్లెని పాలిస్తోంది
ఉన్నవన్నీ ఊడ్చిపెట్టాక
పల్లె మనుషులను
ఎగుమతి చేస్తోంది
ఇక్కడ పట్నానికి కలిపే
దారులన్నీ ‘‘వన్‌ వే’’లు
ఇప్పుడది పల్లె కాదు
‘‘విలేజ్‌’’
ఇప్పుడొక నిర్మాణం కావాలి
మనిషి నిలబడాలి
పల్లె నిర్మించబడాలి

వెనక్కి ...


మీ అభిప్రాయం

  కవితలు


చినుకులు

చినుకులు

బి.గోవర్ధనరావు


ఓటు సంబరాలు

ఓటు సంబరాలు

ఎర్రాప్రగడ రామమూర్తి


మనస్సులం!

మనస్సులం!

ఎ.కిశోర్‌బాబు


య‌మున‌, ముర‌ళీ, రాధ‌...

య‌మున‌, ముర‌ళీ, రాధ‌...

చేబ్రోలు అరుణ


నాలో

నాలో

వినోద్‌ గోరంట్ల


స్వాగతం

స్వాగతం

ఉల్చాల హరిప్రసాద్‌రెడ్డి