ఆర్ద్రత

  • 116 Views
  • 2Likes

    శిష్ట్లా మాధవి

  • హైదరాబాదు

స్వభావాల సంఘర్షణలో
స్వలాభాల సమరంలో
నలిగిపోతున్న సంబంధాలు
పతనమైపోతున్న విలువలు
కనుమరుగౌతున్న బాంధవ్యాలు
యాంత్రీకరణమైపోయింది జీవనం
వస్తు ప్రాముఖ్య ప్రపంచంలో
తాను కూడా వస్తువైపోయింది
మానవ నైజపు వైనం
ఏ మనిషికైన చెదరని ఆస్తి చిరునవ్వైతే-
ఈ వస్తు ప్రపంచంలో
అమ్మ చిర్నవ్వు పిల్లల సంపాదనతో
సంప్రతింపులు జరుపుతోంది
ఆలి చిర్నవ్వు ఆయనగారి బాంకులాకర్లో
బంధించబడింది.
నాన్న చిర్నవ్వు అల్లుడి హోదాలో నిలబడిపోయింది
పిల్లల పసినవ్వులు కూడా
ప్లాస్టిక్‌ బారిన పడి
తల్లిదండ్రుల క్రెడిట్‌కార్డులైనవి
స్వార్థరహిత చిరునవ్వులు
నేటికీ ప్రతి పువ్వులో, కాయలో
చెట్టులో, చేమలో ప్రకృతిలోని ప్రతి అణువులో
తొణికిసలాడుతూనే ఉన్నాయిగా
వాటితోపాటే మనుగడలో కొచ్చిన
మన మనుషుల్లో మృగ్యమై పోయినవెందుకూ?
మృగ ప్రాయులమైపోయినామా?
మర మనుషులమైపోయినామా?
మానవత్వపు పరిమళాలకై
పరితపిస్తోంది హృదయం
మట్టి పరిమళంలోనే దాక్కొన్న
మానవత్వపు పరిమళం
చల్లని చినుకులు రాలితే
కమ్మగా కమ్ముకొనదా
దిగంత అనంతాల వరకు ద్విగుణీకృతమై-

 

వెనక్కి ...


మీ అభిప్రాయం

  కవితలు


కృష్ణం వందే!!

కృష్ణం వందే!!

పేరిశెట్ల శివకుమార్


రీస్టోర్‌ చేసుకోవాలి

రీస్టోర్‌ చేసుకోవాలి

దాసరి చంద్రయ్య


మెతుకు

మెతుకు

- ఈతకోట సుబ్బారావు


చెమర్చిన కళ్లు

చెమర్చిన కళ్లు

గంజాం భ్రమరాంబ


ఇక మౌనం నా వల్లకాదు

ఇక మౌనం నా వల్లకాదు

సుసర్ల జయభారతి


ఆటలాడు భాష మాటలాడు

ఆటలాడు భాష మాటలాడు

జాగాన సింహాచలం