మట్టి గూట్లో...

  • 290 Views
  • 16Likes

    రాజశేఖరుని శ్రీశివలక్ష్మి

  • ముచ్చవరం, ఖమ్మం జిల్లా.
  • 8790700383

మట్టి గూట్లో
రిక్తహస్తాలతో పుట్టిన మట్టి మనిషీ!
తరిగిపోతున్న జీవజలాల్లో
మలినపడిన జలపాతపు
హోరు విన్నావా?
తరలిపోతున్న జంతుజాలాల్లో
వినిపించే ఆక్రందనలేవైనా
నీ గుండెను తడిమేనా?
శిఖరాగ్రాల నిలబడి
విజయ గర్వంతో విర్రవీగుతున్న
వెర్రి మనిషీ!!
విషాదాల ఉపద్రవాల్ని
వెంటబెట్టుకుని
గాలి సవ్వడికే ఉలికిపడే
నీ ఉనికి ప్రశ్నార్థకం కాకేమిటి?
విషవలయాలో
విలయాకారాలో
ప్రమాద ఘంటికలే నలువైపులా
గాలిసైతం గేలిచేస్తే
ఊపిరి కూడా ధైర్యంగా పీల్చలేని
పిరికి మనిషీ!!
నీళ్లులేక
నీడలేక
బతకలేక
చావురాక
చేతులారా చేసుకున్నపాపానికి
ఉసురుతీసే విషపుగాలుల్లో
వికృతి ఆకృతిదాల్చిన ప్రకృతి
నీ నరనరాల్లోనే విస్తరించదు
నలుదిక్కుల్లో ప్రతిధ్వనిస్తుంది
ఇప్పటికైనా మేలుకో
ఓ మట్టిమనిషీ!!
ఇది పోరాట సందేశం కాదు
ప్రకృతి ఆరాట సంతాపం
రాసుకున్న రాతల్లోనో
చేసుకున్న ప్రతినల్లోనో
లేదు రేపటి భవిత
మరొక్కసారి
మట్టిపొరల్ని తవ్విచూడు
చెక్కుచెదరని చరితలో
స్వచ్ఛమైన గాలి పీల్చిన జ్ఞాపకం
నేల గంధాలు పూస్తుంది
ఆ గతాల గుండెల్లోంచి
వీలైతే మళ్లీ పుట్టడానికి ప్రయత్నించు!!

వెనక్కి ...


మీ అభిప్రాయం

  కవితలు


ధన్యజీవి

ధన్యజీవి

ఎస్‌.ముర్తుజా


అచ్చం అచ్చు

అచ్చం అచ్చు

అన్నవరం దేవేందర్‌


ఓటు సంబరాలు

ఓటు సంబరాలు

ఎర్రాప్రగడ రామమూర్తి


హేమంత ఋతుకాంతి

హేమంత ఋతుకాంతి

- నరసింహశర్మ మంత్రాల,


అమ్మ అక్షరాలు 

అమ్మ అక్షరాలు 

- డా।। ఎ.రవీంద్రబాబు


జీవన రుతువు

జీవన రుతువు

డా।। ఎన్‌.గోపి