వెలుతురు వలయం!

  • 62 Views
  • 1Likes

    చలపాక ప్రకాష్‌,

  • విజయవాడ
  • 9247475975

చీకట్లను పారదోలుతూ
వెలుతుర్ని వెదజల్లుతున్నది దీపం!
ఆవిరైపోయిన చమురు
కాలి బూడిదైపోయిన ఒత్తి
తర్వాత ఎటూ కనబడవు!!

ఆ క్షణం మొలకెత్తిన వెలుతురు కిరణాల్లోంచి
పత్రంపై లిఖించుకున్న అక్షరాలు
కొన్ని మెదళ్లలోకి చొరబడి
మెరుపుల సుడులుగా పదిలమవుతాయి!!

ఆలయంలో దేవుడి ప్రతిమ అభయమిస్తున్నట్లు-
అక్షర కిరణాలు లక్షల కణాలై
ఉద్యోగ జీవనానికి బాటలు వేస్తాయి!

ఎదుగుదల, తరుగుదల తాసులో
ఆర్థిక సూచి నుంచి బంధీ విముక్తుడిని చేసేందుకు
అక్షరం-
‘లక్ష’ణంగా మన జేబుల్లోకొచ్చి
ఒదిగి కూర్చుంటుంది!

ఎక్కడో ఉన్నాడంటున్న దేవుడి కోసం
వెదుకులాడుతూ-
ఎదురుగా ఉన్న అక్షరాన్ని ఆవాహనం చేసుకోలేక...

ఎక్కడో నేర్చిన తంత్ర విద్యలతో
అభివృద్ధి మంత్రాన్ని చేరుకోలేక...

అక్షరం-
మరింత మెరుగులు దిద్దుకుని మెరిసేందుకు
అక్షరాభ్యాసం చేస్తోంది.

వెనక్కి ...


మీ అభిప్రాయం

  కవితలు


మట్టి

మట్టి

వి.సూర్యారావు


తాత

తాత

- బాలసాని కొమురయ్యగౌడ్‌


ఊహల వాన...

ఊహల వాన...

జి.ఎల్‌.ఎన్‌.శాస్త్రి


కడతేరి పోతివా

కడతేరి పోతివా

చిన్నం అశోక్


వ్యథార్థము

వ్యథార్థము

- వల్లూరు దాలినాయుడు,