సమానత్వం ఎక్కడ?

  • 95 Views
  • 0Likes

    డా।। బుర్ర మధుసూదన్‌ రెడ్డి

  • కరీంనగర్
  • 9949700037

మబ్బుల అంచుల్ని తాకి
తన్మయత్వంతో ముద్దాడి
గ్రహాంతరవాసుల్లా తేలిపోయేటోల్లు
ఆకాశహర్మ్యాల్లోని మహా కుబేరులు!

పాదాల కింది మట్టిలో
నలిగే పాతాళ లోకులు
ఆకాశహర్మ్యాల్ని కట్టే
అవిశ్రాంత శ్రామికులు!

నేలపై నిలబడి
మేఘాల్ని తాకాలని
కలలు కనే మధ్య తరగతోల్లు
ఎటూ కాని త్రిశంకుస్వర్గవాసులు!

నిశి ఉంటేనే కదా
శశి సుందర మెరుపులు!
చెమట చుక్కలుంటేనే కదా
ఏడంతస్తుల మేడల ధగధగలు!!

కళ్ల ముందు సాక్షాత్కారం
అందమైన అద్దాల మేడలు
కనిపించవు కదా ఎపుడూ
గోడలో ఊపిరాడక నలిగే ఇటుకలు!

పెకలవు కదా ఎపుడూ
కూరుకుపోయిన గొంతులు
నింగిని నేలనూ మోస్తూనే
అలసి సొలసిన బతుకులు!

సిగరెట్టుకు అగ్గిపెట్టి
పొగ పీల్చే ప్రబుద్ధులు
అభాగ్యుల్ని కసితో పిండి
సంపదల తేనెను సేకరించేటోల్లు!

మనుషులంతా ఒకటి కాదు
ప్రజాస్వామ్యం ఓ ఎండమావి
సమానత్వం ఎక్కడుందీ..
కరోనా కర్కశ కళ్లల్లో తప్ప!

 

వెనక్కి ...


మీ అభిప్రాయం

  కవితలు


అరుగు

అరుగు

డా.రంకిరెడ్డి రామ‌మోహ‌న‌రావు


మరుపురాని అద్భుతం

మరుపురాని అద్భుతం

శ్రీదేవి సురేష్‌ కుసుమంచి


గౌతమ బుద్ధుడు

గౌతమ బుద్ధుడు

పులుగుర్త పార్థసారథి


ఔను... ఆ శివుడే నా రోల్‌మోడల్‌

ఔను... ఆ శివుడే నా రోల్‌మోడల్‌

పి.వి.డి.ఎస్‌.ప్రకాష్‌


రాగమాలికలు

రాగమాలికలు

డా।। అన్నపురెడ్డి శ్రీరామరెడ్డి


వాళ్ల నుంచి నేను

వాళ్ల నుంచి నేను

చంద్రబోస్‌