పావురాళ్లకు కెవ్వు కేకలు

  • 797 Views
  • 0Likes

    కోటం చంద్రశేఖర్‌

  • 9490157320

బైటికెళ్తూ
చెప్పులకి తడి తాకకుండా బట్టలపైకి బురద చిట్లకుండా
ఒక జాగరూకతలో-
బడికెళ్లడానికి
నా శ్వాస నా ధ్యాస
బస్తాలు తీసుకొని; మధ్యాహ్నం లంచ్‌కి బాక్సులు పట్టుకొని-
నది పొర్లుకొచ్చినట్టుగా వాకిలీ రోడ్డూ దాదాపు నీరు-
చూస్తూనే కేరింతలు గెంతులు
చూస్తుచూస్తూనే త్రుళ్లింతలు హన్మంతులు-
యూనిఫామ్లు తడిసినా పాలిష్‌షూలు పాడైనా
నీటి మూటల్ని తంతూ-
కవితాత్మకవాన కళాత్మకవాన
రమణీయవాన రసమయవాన నీటితో
చిలుకల ఆనందం గోరింకల ఆహ్లాదం-
గొడుగు అక్కర్లేదు
అడుగు ఎటుపడ్తుందో భయంలేదు-
నాకసహనం; లేళ్లకి సాహసం
నాకు విరక్తి; నెమళ్లకి అంతులేని ఆసక్తి
నాకు తడిస్తే బట్టలు మురికైతే ఆత్మాభిమానం విలవిల
కుందేళ్లకి మెరిసే కన్నుల మిలమిల-
సన్నచినుకులకే లేతచినుకులకే జలుబవుతుందని
భద్రతలేనట్టు రక్షణ కరువైనట్టు
పెడబొబ్బలు చావుకేకలు నావైతే
పావురాళ్లకి కెవ్వుకేకలు-
తరానికి తరానికి అంతరం
ఆలోచనకి అమాయకత్వాన్కి దూరం
బాధ్యతకి బాల్యానికి బహుదూరం

వెనక్కి ...


మీ అభిప్రాయం

  కవితలు


జయహూ జయహూ భారతధాత్రీ

జయహూ జయహూ భారతధాత్రీ

పులిగడ్డ శ్రీరామ చంద్రమూర్తి


నా కవిత్వమంటే...

నా కవిత్వమంటే...

బత్తిన కృష్ణ


మా ఇంట్లో గోదారి జాతర

మా ఇంట్లో గోదారి జాతర

పి.వి.డి.ఎస్‌.ప్రకాష్


వర్ణచిత్రాలు

వర్ణచిత్రాలు

- కటుకోఝ్వల రమేష్‌


నన్ను పలికించిన మనసు

నన్ను పలికించిన మనసు

డాక్టర్‌ సి.నారాయణరెడ్డి