ఓ నల్ల కలువ రాలిపోయింది

  • 332 Views
  • 0Likes

    మానాపురం రాజా చంద్రశేఖర్‌

  • విజయనగరం
  • 9440593910

విషాదం పిండిన ఒక జీవం సందర్భంలోంచి
ఆమె గొంతు ఆత్మగా మాట్లాడుతోంది!
జీరబోయిన కంఠ స్వరంతో అంతర్వేదన దుఃఖంలా తన్నుకొస్తుంటే,
నిన్నూ నన్నూ కలిపే అజ్ఞాత బంధమేదో
లోలోపట గుక్కపట్టి ఏడుస్తోంది!
ఆమె చిట్టిపాపాయి కాదు లాలించడానికి జోలపాడటానికి!
పశువుల మేతకెళ్లి శవమై బూడిదగా మారిపోయింది 
చుట్టూ మనుషులున్న నవ నాగరిక సమాజంలో
అత్యాచారానికి గురైన ఆమె జీవచ్చవం
చితి మంటల్లో దేహంగా దగ్ధమైంది
నిజం నింగికి తెలుసు దేవుడికి తెలుసు అంటే లాభం లేదు
నిజాల్ని నిర్భయంగా నొక్కిచెప్పే మానవీయ గొంతులు కావాలి
సమాధులెప్పుడూ అబద్ధం చెప్పవు నిజాల్నే చెబుతాయి
రాక్షసత్వం పైశాచికంగా మారితే  పడిన మూగ సంఘర్షణంతా
మూసుకుపోయిన చట్టంకళ్లకే తెలియాలి 
పేగుబంధాన్ని దూరం చేసుకున్న ఆ కన్నతల్లి కడుపుకోతకి
సాక్ష్యంగా ఎవరు నిలబడతారు?
కాలం తలవొంచి న్యాయస్థానం గుండెచప్పుళ్లని 
గ్రంథస్థం చెయ్యలేం కదా
రేపో మాపో వ్యవస్థ కొత్త చరిత్రని తిరగేస్తుంది
శవ రాజకీయం చేస్తున్న సందర్భాల్ని నిలదియ్యాలిప్పుడు
ఎందుకంటే
గురజాడ చెప్పినట్టు- 
దేశమంటే మట్టి కాదు
ఆత్మఘోషతో బద్ధలయ్యే మనుషులే..!!

వెనక్కి ...


మీ అభిప్రాయం

  కవితలు


జయహూ జయహూ భారతధాత్రీ

జయహూ జయహూ భారతధాత్రీ

పులిగడ్డ శ్రీరామ చంద్రమూర్తి


నా కవిత్వమంటే...

నా కవిత్వమంటే...

బత్తిన కృష్ణ


మా ఇంట్లో గోదారి జాతర

మా ఇంట్లో గోదారి జాతర

పి.వి.డి.ఎస్‌.ప్రకాష్


వర్ణచిత్రాలు

వర్ణచిత్రాలు

- కటుకోఝ్వల రమేష్‌


నన్ను పలికించిన మనసు

నన్ను పలికించిన మనసు

డాక్టర్‌ సి.నారాయణరెడ్డి