మనసుకు మనసుకు మధ్య రహదారి

  • 704 Views
  • 0Likes

    - ఈతకోట సుబ్బారావు

  • నెల్లూరు,
  • 9440529785

కనుపాపల్లో స్నేహ జలదాలు కమ్ముకోవాలి
వెన్నెల జలంతో కడుక్కున్న ముఖంలో
పెదవులపైన పూలు పూచే తీగలు అల్లుకోవాలి
చేతులు రెండూ సముద్రమంత విశాలంగా చాచి
ఛాతీని ఆకాశంలో పరచి ఆహ్వానించాలి
స్కూలు పిల్లలు ఆడుకొనే ఆట మైదానంలా
ఎదటి పక్షం గాయపడకుండా పచ్చికై పరుచుకోవాలి
ఎంతైనా మానవ మాత్రులం ఎంగిలాకులం
ఎండమావుల వెనక పరిగెత్తి పరిగెత్తి సంతులనం కోల్పోయిన వాళ్లం
పోగేసిన వంచనాటవిలో మోసపోయి
స్వార్థ సంకుచిత వ్యథార్థ వృథాకేళిలో ఓడిపోయినా
వీడని ఆశానిరాశల క్రీనీడలో నిల్చున్న వాళ్లని
ఏ పరిష్వంగంలాంటి సంజీవకరణి ప్రయోగమో చేయాలి
మనిషిని జయించే పుష్పకృపాణం కదా చిరునవ్వు
నమ్మకాలెండిన ఊటబావి మోట వద్ద ఒంటరిగా నించున్నప్పుడు
ఒక చిన్న ప్రహారం చాలు మనిషిని జయించటానికి
విశ్వమానవ సామ్రాజ్య చక్రవర్తిగా నిలబెట్టడానికి
ఆలోచన లేకుండా ఏ పనీ చేయలేనప్పుడు
అనాలోచితంగా హృదయ ద్వారాలు తెరచుకొని
వేణుగాన లాహిరి ఏదో లోలోపలకి ప్రవేశిస్తున్నప్పుడు
సిరిసిరి మువ్వల గువ్వల చప్పుళ్లతో
సుతి మెత్తని ఊపిరి అడుగులేవో గుండెని స్పృశిస్తున్నపుడు
శాద్వలాలనాడించే లేలేత చిరుగాలిలాంటి చిరునవ్వు కృపాణంతో
పాషాణ ద్వేషాన్ని వజ్రకాంతిలా సంహరించాలి
మనసుకు మనసుకు మధ్య మమతల రహదారి కోసం
నిరీక్షిస్తున్న ప్రతిహారిని ఆత్మసంగమంతో కౌగిలించాలి!

వెనక్కి ...


మీ అభిప్రాయం

  కవితలు


కలవరం

కలవరం

మౌనశ్రీ మల్లిక్


పొగమంచు

పొగమంచు

విరాగి


రుణానుబంధం

రుణానుబంధం

చెంగల్వల కామేశ్వరి


కొన ఊపిరిలోనైనా

కొన ఊపిరిలోనైనా

డాక్టర్‌ సి.నారాయణరెడ్డి


వరదాయిని దివ్య శుభాంగీ

వరదాయిని దివ్య శుభాంగీ

పుల్లాభట్ల నాగశాంతి స్వరూప


మట్టి అమ్మ

మట్టి అమ్మ

న‌ల్లా న‌ర‌సింహ‌మూర్తి