గీతాంజలి తెలుగులో

అనువాదం: కమలేకర్‌ రామచందర్‌జీరావు; పుటలు: 135; వెల: Rs80; ప్రతులకు: అనువాదకులు, 3-14, క్రిస్టియన్‌ పల్లి, మహబూబ్‌నగర్, 70136 38332

 గీతాంజలి తెలుగులో

విశ్వకవి రబీంద్రనాథ్‌ టాగోర్‌ గీతాంజలిని అనువదిస్తూ 103 కవితా ఖండికలతో ఈ రవీంద్ర గీతాంజలి తీసుకొచ్చారు. కమలేకర్‌. మూలభావం ఏమాత్రం దెబ్బతినకుండా హృద్యమైన శైలిలో అనువాదం సాగింది.  

 - రమేశ్‌ తమ్మినేని

ఓ ముక్కోణ ప్రేమకథ

రచయిత: ఐతా చంద్రయ్య; పుటలు: 92; వెల: Rs100; ప్రతులకు: రచయిత, 4-4-11, శేర్పూరా, సిద్దిపేట-502103, 93912 05299; ప్రముఖ పుస్తక కేంద్రాలు

ఓ ముక్కోణ ప్రేమకథ

ప్రేమలో మోసపో యిన తన స్నేహితు రాలు శిరీషను కాపాడి, ఆమెకు మంచి భవిష్యత్తు ఇవ్వడం కోసం.. తానెంతగానో ప్రేమించిన పరమేశ్వర్‌ను ఆమెకిచ్చి పెళ్లి చేస్తుంది శైలజ. తర్వాత తానెన్ని కష్టాలు పడింది.. శిరీష తనని ఎలా అవమానించింది.. అనేది ఈ త్రిభుజి నవల ప్రధాన కథాంశం. శైలజ, పరమేశ్వర్‌లతో పాటు చేసిన సాయాన్ని మరచిపోయే శిరీష పాత్రల చిత్రణలో బిగి ఉంది. సరళ రచనా శైలి పాఠకులను చదివేలా చేస్తుంది.    

- వెంకట్‌ మద్దూరి

నవ్విస్తూ... ఆలోచింపజేస్తూ..

రచయిత: వల్లూరు శివప్రసాద్‌; పుటలు: 64; వెల: Rs70; ప్రతులకు: ఆంధ్రప్రదేశ్‌ అభ్యుదయ రచయితల సంఘం, గుంటూరు, 92915 30714; ప్రముఖ పుస్తక కేంద్రాలు

నవ్విస్తూ... ఆలోచింపజేస్తూ..

పితృస్వామ్య దుర్లక్ష ణాలను ఎండగ డుతూ మామగారికి గుణపాఠం చెప్పే కోడలి కథ పొత్తూరి విజయలక్ష్మి ‘మా ఇంటి రామాయణం’. సమకాలీన సమా జానికి దర్పణం పట్టే ఈ కథకు చైతన్య స్ఫోరక శైలిలో హాస్య సంభాషణలతో నాటక రూపమిచ్చారు వల్లూరి శివప్రసాద్‌. 2017 ‘నంది’ నాటకోత్సవాలలో ఇది నాలుగు బహుమతులను అందుకుంది. ప్రేక్షకులను నవ్విస్తూనే ఆలోచింపజేసే ఈ హాస్యభరిత స్త్రీవాద నాటకం పాఠకులనూ ఆకట్టుకుంటుంది.  

- డా।। ప్రభల జానకి

మహాపురుషుడికి అక్షర నివాళి

రచయిత: మన్నె సత్యనారాయణ; పుటలు: 114; వెల: Rs90; ప్రతులకు: రచయిత, 99890 76150; పల్లవి పబ్లికేషన్స్, 59-1-23/2, 1వ లైన్, అశోక్‌నగర్, విజయవాడ-10, 98661 15655

మహాపురుషుడికి అక్షర నివాళి

ధవళేశ్వరం దగ్గర గోదావరి నది మీద నిర్మించిన ఆనకట్ట కాటన్‌ కృషి ఫలితం. ఈ నిర్మాణం కోసం దేశం కాని దేశంలో ఆయన సాగించిన కృషిని కళ్లకు కట్టిన రచన ఈ అన్నదాత ఆర్థర్‌ కాటన్‌. గోదావరికి ఆనకట్ట కట్టి ప్రజల దాహార్తిని తీర్చడంతో పాటు బంజరు భూముల్ని సస్యశ్యామలం చేయడానికి కంకణబద్ధుడై.. ఆ క్రమంలో ఎన్ని అవరోధాలు ఎదురైనా వెనక్కి తగ్గని కాటన్‌దొర జీవితాన్ని ఈ పుస్తకం సమగ్రంగా ప్రతిబింబించింది.  

- ఉషా ఇందు

ముక్తి మార్గం

అనువాదం: ఒక రమణ భక్తుడు; పుటలు: 42; వెల: Rs50; ప్రతులకు: డా।। దోనెపూడి నరేష్‌బాబు, జూలేపల్లె గ్రామం, కర్నూలు జిల్లా, 98912 29917

ముక్తి మార్గం

జిడ్డు కృష్ణమూర్తి, రమణమహర్షి ప్రబోధాలతో వచ్చిన రెండు అధ్యాయాల పొత్తమిది. రోజులో 24 గంటలూ ఆధ్యాత్మిక సాధన చేసినప్పుడే ముక్తి లభిస్తుందనే రమణ మహర్షి ప్రబోధం ఆధ్యాత్మిక వేత్తలకు దివిటీలాంటిది.  

- దేవకి

ఆదివారం సందడి

రచయిత్రి: దాసరి శివకుమారి; పుటలు: 79; వెల: Rs45; ప్రతులకు: రచయిత్రి, 12-13-439, తార్నక, సికింద్రాబాద్‌-500017, 94907 46614

ఆదివారం సందడి

అమ్మమ్మగా మనవడితో ఎలాంటి మధుర అనుభూతులని అనుభవించారో కథల్లో  వివరించారు రచయిత్రి. బాల్య జ్ఞాపకాలను గుర్తుచేసుకుంటూ మొత్తం 11 కథలు రాశారు. ప్రతి కథకూ పిల్లల గేయాలతో ముగింపు ఇవ్వటం కొసమెరుపు.  

- దీప్తి

ఆలయానికొక చరిత్ర

రచయిత: గబ్బిట దుర్గాప్రసాద్‌ (సరసభారతి అధ్యక్షులు); పుటలు: 312; వెల: Rs200; ప్రతులకు: రచయిత, 2-405, శివాలయంవీధి, రాజాగారి కోట దగ్గర, ఉయ్యూరు-521165

ఆలయానికొక చరిత్ర

మీరెక్కడైనా మాంసం తినే ఆంజనేయుణ్ని చూశారా? చూడాలంటే వనపర్తి జిల్లా వెళ్లండి! అక్కడ పాతపల్లి గ్రామ సమీపంలో చింతలకుంట ఆంజనేయస్వామిని చూడండి. కోళ్లు, గొర్రెలు, మేకలను బలిస్తుంటారు.  ఇలాంటి విశేషాలు తెలుసుకోవాలంటే దర్శనీయ ఆంజనేయ దేవాలయాలు- 2 చదవాల్సిందే! దేశదేశాల్లోని ఆంజనేయ  ఆలయాలన్నింటినీ పరిచయం చేశారు. భక్తులకు ఇదో అపురూప కానుక. 

- చింతలపూడి వెంకటేశ్వర్లు

డజనున్నర హాస్యకథలు

రచయిత: మాడుగుల రామకృష్ణ, పుటలు: 160;  వెల: Rs125; ప్రతులకు: ఆంధ్రప్రదేశ్‌ రాష్ట్ర సృజనాత్మకత, సంస్కృతి సమితి, ప్రాంగణం, దుర్గాపురం, విజయవాడ - 520003

డజనున్నర హాస్యకథలు

సమాజంలో నిత్యం మనకు తారసపడే సంఘటనలు, సన్నివేశాలకు చక్కటి హాస్యాన్ని జోడించి రచించిన ఈ కథలు కేవలం హాస్యకథలు కావు... పాఠకుడికి సాంత్వన కలిగించే నవ్వుల మందు గుళికలు. ఎక్కడా అపహాస్యానికి తావివ్వకుండా సున్నితంగా, సునిశితంగా అవసరం మేరకు హాస్యాన్ని పండిస్తూ సాగుతాయి కథలన్నీ. నవ్వుతో పాటు ఆ సన్నివేశం వెనుక ఉన్న మానవీయ కోణాన్ని అంతర్లీనంగా ఆవిష్కరించటం ఈ కథల మరో ప్రత్యేకత

- కృష్ణ

అలరించే శ్రీకృష్ణాయణం

రచయిత: వెన్నెలకంటి ప్రకాశం; పుటలు: 108; వెల: Rs50; ప్రతులకు: ఎమెస్కో బుక్స్, 1-2-7, దోమలగూడ, హైదరాబాదు-29; ఎమెస్కో బుక్స్

అలరించే శ్రీకృష్ణాయణం

శ్రీకృష్ణావతార కథను వివరించే గ్రంథమిది. బ్రహ్మపుత్రుడు అత్రికి చంద్రుడు, చంద్రుడికి బుధుడు, బుధుని కుమారుడు పురూర వుడని మొదలుపెట్టి యాదవ వంశాభి ర్భావం దాకా సులభశైలిలో చెప్పారు. కృష్ణ చరిత్ర యావత్తూ ఒక్క ముక్క పొల్లు పోకుండా సంక్షిప్తంగా చెప్పి, భగవద్గీతను మాత్రం పది పుటల్లో వివరించారు.  వస్త్రించు, చోలించు, పరిచయించు తదితర కొత్త క్రియాపదాలను కల్పించారు. పిల్లలతో చదివించాల్సిన పొత్తమిది.  

- మల్లేశ్వరరావు

bal bharatam