కంప్యూటర్‌ తెరపై తెలుగు తళుకులు

  • 54 Views
  • 0Likes
  • Like
  • Article Share

    పి.వి.లక్ష్మణరావు

  • నూజివీడు
  • 9492043837
పి.వి.లక్ష్మణరావు

సృష్టికర్త బ్రహ్మ... ‘సిస్టమ్‌ ఇన్‌స్టాలర్‌’. చీకుచింతలకు దూరంగా నడిపించే వాడు నారాయణుడు... ఆయన ‘సిస్టమ్‌ సపోర్టర్‌’. శివుడి ఆజ్ఞ లేకుండా చీమైనా కుట్టదు కాబట్టి ‘సిస్టమ్‌ ఆపరేటర్‌’ ఆయనే. త్రిమూర్తితత్వాన్ని ఇలా కంప్యూటర్‌ పరిభాషలోకి అనువదించాడు ఓ అజ్ఞాత నిపుణుడు. 
వాస్తవానికి
ఇప్పుడు మన జీవితాలన్నీ కంప్యూటర్‌ చుట్టూనే పరిభ్రమిస్తున్నాయి. డబ్బు లావాదేవీలన్నింటికీ అదే ఆధారం. స్నేహితులతో సరదా ముచ్చట్లకూ అదే ఆలవాలం. ఉద్యోగాలకు అర్జీలకు పెట్టడం నుంచి విదేశాల్లోని బంధువులతో మాటాముచ్చట వరకూ అన్నింటికీ అదే ఆలంబనం. అయితే, ఈ పనులన్నింటినీ ఏ భాషలో చేస్తున్నాం? ఇవే కాదు... అంతర్జాలం(ఇంటర్‌నెట్‌) మెయిళ్ల నుంచి బ్లాగుల వరకూ ఏ భాషను ఉపయోగిస్తున్నాం? ఆంగ్లం. ఎందుకంటే... కంప్యూటర్‌లో తెలుగు రాదు! కంప్యూటర్‌ నిర్వహణ వ్యవస్థలు (ఆపరేటింగ్‌ సిస్టం - ‘నివ్య’) తెలుగులో లేవు... అన్న సమాధానాలు వస్తాయి. కానీ, ‘నివ్య’లు తెలుగులోనూ ఉన్నాయి. అంతేకాదు, కంప్యూటర్‌లో ఎంచక్కా తెలుగులోనూ రాసుకోవచ్చు.   
      గతంలో కంప్యూటర్లో తెలుగు రాయాలంటే చాలా ఇబ్బందులుండేవి. ‘నివ్య’లు సహకరించేవి కాదు. ఇప్పుడా పరిస్థితి మారింది. ‘ఉబుంటు’, విండోస్‌ ఎక్స్‌పీ, 7, 8 ‘నివ్య’లను రెండే నిమిషాల్లో తెలుగు ‘నివ్య’లుగా మార్చొచ్చు. 
      కొందరు యువ నిపుణులు స్వచ్ఛందంగా కృషి చేసి బ్రౌజర్లనూ తెలుగులోకి తెచ్చారు. వీటన్నింటినీ ఉపయోగించుకుంటే మెయిళ్లు పంపడం, బ్లాగుల్లో రాయడం, అంతర్జాలంలో శోధించడం... ఇలా ఎన్నో పనులను తెలుగులోనే చేయవచ్చు. 
తెలుగుకు తలుపులు తెరిచేద్దాం
విండోస్‌ ఎక్స్‌పీ తర్వాత విడుదలైన అన్ని ‘నివ్య’ల్లో తెలుగు అంతర్నిర్మితమై ఉంటుంది. ఈ ‘నివ్య’లను వాడుతున్న వారు... కంప్యూటర్‌లో తెలుగు కనిపించడానికి ప్రత్యేకంగా ఏమీ చేయక్కర్లేదు. ఇంటర్నెట్‌ ఎక్స్‌ప్లోరర్‌-6లో తెలుగుకి తోడ్పాటు ఉంది. మిగిలిన బ్రౌజర్లను వాడేటప్పుడు తెలుగు వెబ్‌సైట్లలోని సమాచారం సరిగ్గా కనపడకపోతే... బ్రౌజర్‌లో మౌస్‌తో రైట్‌క్లిక్‌  చేయండి. ‘ఎన్‌కోడింగ్‌జిమోర్‌జియూనికోడ్‌ (యూఐటీ-8)’ అనే ఆప్షన్‌ని ఎంపిక చేసుకోండి. ఇక్కడ ‘గౌతమి’ అనే ఖతి (ఫాంట్‌) అంతర్నిర్మితమై ఉంటుంది. దాంతో కంప్యూటర్‌ తెరపై చక్కటి తెలుగు ప్రత్యక్షమవుతుంది. విండోస్‌ విస్టా, 7 ఆపై వర్షన్లలో కూడా తెలుగుకు కావాల్సిన సాంకేతిక ఏర్పాట్లున్నాయి. 
      విండోస్‌ 98 లాంటి పాత ‘నివ్య’ల్లో తెలుగు రావాలంటే... కంప్యూటర్లో ‘పోతన’ లాంటి తెలుగు ఖతులు ఉండాలి. వాటి కోసం అంతర్జాలంలో http://www.kavya-nandanam.com/pothana2k-95.zip లింకును తెరవండి. అక్కడ కనిపించే ‘పోతన2కే-95.జిప్‌’ అనే ఫైల్‌ని డౌన్‌లోడ్‌ చేసుకోండి. తర్వాత దాన్ని తెరిస్తే ‘పోతన.టీటీఫ్, వేమన.టీటీఎఫ్‌’ అనే ఫైళ్లు కనిపిస్తాయి. వీటిని కంప్యూటర్లోని ‘సి:/విండోస్‌/ఫాంట్స్‌’ ్బవిండోస్‌ 2000 వాడుతుంటే ‘సి:/డబ్ల్యూఐఎన్‌ఎన్‌టీ/ ఫాంట్’) డైరెక్టరీలోకి కాపీ చేయండి. లినక్స్‌ ‘నివ్య’ వాడేవారు... పైన చెప్పిన రెండు ఫైళ్లను ‘Rs/.ఫాంట్స్‌’ డైరెక్టరీలోకి కాపీ చేయండి. ఆ పేరుతో డైరెక్టరీ లేకపోతే కొత్తగా సృష్టించుకుని కాపీ చేసుకోండి. అంతే... మధురమైన మాతృభాషకు మీ కంప్యూటర్‌ కేంద్రమవుతుంది.
నేరుగా రాయాలంటే...
విండోస్‌ ఎక్స్‌పీలో నేరుగా తెలుగు టైప్‌ చేయాలంటే ఏం చేయాలి? ఆలోచిస్తున్నారా! కంప్యూటర్‌లో విండోస్‌ ఎక్స్‌పీ సీడీ పెట్టాక కంట్రోల్‌ ప్యానెల్‌లోకి వెళ్లండి. అక్కడ ఉన్న సెట్టింగులను మార్చుకుని, ‘రీజనల్‌ అండ్‌ లాంగ్వేజ్‌ ఆప్షన్స్‌’ తెరవండి. తర్వాత ‘రీజనల్‌ ఆప్షన్ల’లో ‘ఇండియా’ అని పెట్టండి. లాంగ్వేజ్‌ ఆప్షన్లలో చెక్‌మార్క్స్‌ పెట్టి ‘ఓకే’ అనండి.
      ఇప్పుడు సీడీ నుంచి కంప్యూటర్లోకి కొన్ని ఫైల్స్‌ కాపీ అవుతాయి. తర్వాత కంప్యూటర్‌ను కట్టేసి తిరిగి తెరవండి. ఇప్పుడు మళ్లీ కంట్రోల్‌ ప్యానెల్‌లోని ‘రీజనల్‌ లాంగ్వేజ్‌ ఆప్షన్ల’ను తెరిచి ‘యాడ్‌ ఇన్‌పుట్‌ లాంగ్వేజస్‌’లో తెలుగును ‘యాడ్‌’ చేసుకోండి. ఈ పనంతా అయిపోతే ‘ఇన్‌స్క్రిప్ట్‌’ పద్ధతిలో తెలుగు టైప్‌ చేయగలుగుతారు. ఈ ప్రక్రియకు సంబంధించిన అదనపు సమాచారం కోసం కింది లింకులు చూడండి.
win98--http://etelugu.org/node/207
win2000--http://etelugu.org/node/208
Linux--http://etelugu.org/node/210
      కంప్యూటర్‌లోకి కొన్ని సాఫ్ట్‌వేర్లను డౌన్‌లోడ్‌ చేసుకుంటే అంతర్జాలంతో సంబంధం లేకుండా నేరుగా తెలుగులో టైప్‌ చేసుకోవచ్చు. దీనికి సంబంధించిందేే ‘ఇన్‌స్క్రిప్ట్‌’ కీబోర్డు. ఈ పద్ధతిలో మన కీబోర్డులోని ప్రతి మీటకూ ఒక తెలుగు అక్షరాన్ని కేటాయిస్తారు. (పాత టైప్‌ యంత్రాల్లో ఉండే మాదిరిగా) వాటి ప్రకారం చక్కగా తెలుగులో టైపు చేసుకోవచ్చు. ‘విస్టా’ ‘నివ్య’ వాడుతున్న వారు ఇన్‌స్క్రిప్ట్‌ను ఉపయోగించుకోవడానికి అసరమైన సూచనల కోసం ఈ లింక్‌ చూడండి..
http//telugublog.blogspot.com/2006/xp.html
      కంప్యూటర్లో తెలుగు అక్షరాలు విరిగినట్లుగా... ఏత్వాలు, గుడులు, తలకట్టులు ప్రధాన అక్షరానికి దూరంగా జరిగి కనపడుతుంటే http://omicronlab.com/download/tools/iComplex_2.0.0.exe లేదా http://omicronlab.com/download/tools/iComplex3.0.0.exe లింకుల్లోని సాఫ్టువేరును డౌన్‌లోడ్‌ చేసుకోండి. ‘ఇన్‌స్టాల్‌ కాంప్లెక్స్‌ స్క్రిప్ట్‌’ బటన్‌ సాయంతో దాన్ని ఇన్‌స్టాల్‌ చేసుకుంటే మన భాష చక్కగా కనిపిస్తుంది.
‘రాత’కు సాయం
కంప్యూటర్లో తెలుగు సాఫ్టువేర్లను కానీ, ఇతర ఉపకరణాలను కానీ ఇన్‌స్టాల్‌ చేసుకోకుండానే తెలుగులో రాయవచ్చు. కొన్ని వెబ్‌సైట్లు దీనికి సాయపడతాయి. వాటిలోకి వెళ్లి తెలుగు పదాలను ఆంగ్ల అక్షరాల్లో రాస్తే... వాటంతటకవే తెలుగులోకి మారిపోతాయి. (sraama... రామ, seeta... సీత) అలా రాసిన తెలుగు మాటలను కాపీ చేసుకుని ఎక్కడ కావాలంటే అక్కడ (మెయిల్, బ్లాగులు...) పేస్టు చేసుకోవచ్చు. కింద లింకులను తెరిచి ఓ ప్రయత్నం చేస్తారు కదూ...
http://lekhini.org/ 
http://epalaka.com
http://quillpad.com/telugu/#
http://swecha.org/input/index.html, http://atcweb.atc.tcs.co.in/opensource-downloads
http://www.yanthram.com/te/
http://lipik.in/telugu.html
      బాగుంది కానీ, అంతర్జాలం ఉంటేనే కదా వీటిని వాడుకోగలిగేది అంటారా! అయితే, ఫైర్‌ఫాక్స్, ఓపెరా బ్రౌజర్లలో ‘లేఖిని’ని తెరవండి. అప్పుడు ‘లేఖిని’ మీ కంప్యూటర్లో తన ఫైళ్లని భద్రపర్చమని అడుగుతోందంటూ ‘ఫైర్‌ఫాక్స్‌’ మీ అనుమతి కోరుతుంది. అనుమతించండి. అప్పటి నుంచి అంతర్జాలంతో పని లేకుండానే బ్రౌజర్‌ తెరిచి ‘లేఖిని.ఆర్గ్‌’ అని కొడితే చాలు ‘లేఖిని’ ప్రత్యక్షమవుతుంది. http://google.com/transliterate/indic/telugu సాఫ్ట్‌వేరును డౌన్‌లోడ్‌ చేసుకున్నా కూడా అంతర్జాలంతో నిమిత్తం లేకుండా తెలుగులో టైప్‌ చేసుకోవచ్చు. ‘బరహా’ సాప్టువేరు సాయంతో కూడా సులువుగా తెలుగులో రాసుకోవచ్చు. (http://www.baraha.com/download.html) కాపీ పేస్టు బాధ లేకుండా నేరుగా మెయిల్‌లోనే తెలుగులో రాయాలంటే వీటిని చూడండి...
http//www.aczoom.com/itrans/html/tlgutx/tlgutx.html
http://mail.google.com/support/bin/answre.py?hl=en&answer=139576
http://t13n.googlecode.com/svn/trunk/blet/docs/help_te.html#Store
      మైక్రోసాఫ్ట్‌ ఇండిక్‌ లాంగ్వేజ్‌ ఇన్‌పుట్‌ టూల్‌ (ఐఎల్‌ఐటీ) అని ఇటీవలే ఒకటి విడుదలైంది. దీంతో నేరుగా ఎంఎస్‌ వర్డ్, ఎక్సెళ్లలో ఎక్కడైనా తెలుగులో రాయవచ్చు. విండోస్‌కు చెందిన ఏ అప్లికేషన్లో అయినా, ఏ వెబ్‌పేజీలో అయినా తెలుగులో రాసుకోవడానికి ఇది ఉపయోగపడుతుంది. ‘లేఖిని’ తదితరాల్లో మాదిరిగానే పదాలను ఆంగ్ల అక్షరాల్లో టైపు చేస్తే తెలుగు లిపిలోకి వచ్చేస్తాయి. (shttp://msn.co.in/ilitz)
తెలుగులో రాతకు ఉపయోగపడే మరికొని ఉపకరణాలు...
http://crossroads.koodali.org/2007/11/18/typing-unicode-telugu-using
http://crossroads.koodali.org/2007/12/25/apple-keyboard-layout/
http://groups.google.com/group/aksharamala
http://www.janaganamana.net/telugu.Jgm.aspx
లినక్స్‌ ‘నివ్య’లో తెలుగు రాయడానికి...
http://www.swecha.org/wiki/index.php?title=Input
http://www.kamban.com.au/
http://www.ildc.in/Telugu/TLindex.aspx
      ఫైర్‌ఫాక్స్‌ బ్రౌజర్‌ని ఉపయోగిస్తున్న వారు కింది ప్లగ్గిన్స్‌లో ఏదో ఒకదాన్ని యాడ్‌ చేసుకుంటే సులభంగా RTS తెలుగులో రాసుకోవచ్చు.
http://addons.mozilla.org /en-US/firefox/addon/3972
http://addons.mozilla.org /en-US/firefox/addon/873
http://telugutoolbar. mozdev.org/
http://www.vishalon.net/ Download/tabid/246/Default.aspx
      ఎంఎస్‌ వర్డ్‌లో తెలుగులో రాసుకున్నారు... దాన్ని దాచుకోవాలంటే ఏం చేయాలి? విండోస్‌ విస్టా వాడేవాళ్లకు ఈ ఇబ్బంది ఉండదు. ఎక్స్‌పీలో మాత్రం కొన్ని పద్ధతులను అనుసరించాలి. వాటి వివరాల కోసం... http://employees.org/~praveeng/files/telugudisplay/TeluguEnableScreenSho
ఖతుల సంగతేంటి?
కంప్యూటర్‌లో తెలుగు అక్షర సుమాల అందాలు వికసించాలంటే చక్కటి ఖతులు కావాలి. అక్షర్‌ యూనీకోడ్, కోడ్‌2000, గౌతమి, పోతన, రఘు (తెలుగు), సరస్వతి5, వేమన2000, అమ్మ, అమృత, ఆత్రేయ, చందన, దేవా, ద్రౌపది, గోల్కొండ, కృష్ణ, మను, మేనక, పావని, ప్రియ, రాజన్, రజని, సంజన, సితార, స్వామి, వెన్నెల, వార్తా, శ్రీలిపి, ఐ-లీప్, అనుపమ, సుగుణ, శ్రీకృష్ణదేవరాయ, పెద్దన, తిమ్మన, తెనాలి రామకృష్ణ, సూరన్న, రామరాజ, మల్లన్న, ధూర్జటి, రామభద్ర, గిడుగు, గురజాడ, సురవరం, ఎన్టీఆర్, మండలి, నాట్స్‌ తదితర బోల్డ్డన్ని ఖతులు అంతర్జాలంలో అందుబాటులో ఉన్నాయి. విండోస్‌ ‘నివ్య’లో ‘గౌతమీ, వాణి’, లినక్స్‌ ‘నివ్య’లో పోతన, వేమ, లోహిత్‌’ ఖతులు లభిస్తున్నాయి. లినక్స్‌ ఖతులను డౌన్‌లోడ్‌ చేసుకొని విండోస్‌ ‘నివ్య’ల్లో కూడా వాడుకోవచ్చు. అలాగే ‘ఈ-తెలుగు ఓటీ’ అనే ఖతిని ‘ఇండోలిపి’ పరిశోధన సంస్థ ఉచితంగా అందిస్తోంది.
      ప్రస్తుతం అందుబాటులో ఉన్న తెలుగు ఖతులు, వాటిని యూనికోడ్‌లోకి... యూనికోడ్‌ నుంచి నిర్దేశిత ఖతిలోకి మార్చడానికి సాయపడే ఉపకరణాల కోసం... 
http://padma.mozdev.org/ 
http://www.wazu.jp/gallery/Fonts_Telugu.html
http://eemaata.com/font2unicode/index.php5 
http://plugins.harivillu.org/ 
http://anu2uni.harivillu.org/: 
http://wiki.etelugu.org/Telugu_Fonts
http://www.wazu.jp/gallery/fonts_Telugu.html
http://ildc.gov.in/telugu/htm/otfonts/htm
http://www.innovatrix.co.in/unicode/fileconverterindex.php5
http://teluguvijayam.org
      డీటీపీ చేసిన పుస్తకాలను నేరుగా యూనికోడ్‌లోకి మార్చుకోవడానికి http://labs.plugins.harivillu.org/uni2anu/ ఉపయోగపడుతుంది. 
      మన రాష్ట్రంలో ఆంగ్లంపై పట్టున్న వారి సంఖ్య పది శాతానికి మించదు. తెలుగు వారందరూ తెలుగులోనే కంప్యూటర్‌ను వినియోగించుకుంటే రాష్ట్రంలో తొంభై శాతం ఆన్‌లైన్‌ ప్రక్రియ తెలుగుమయం అవుతుంది. భాష వికసిస్తుంది. కంప్యూటర్లో తెలుగు రాతకు అవకాశమిచ్చే ఉపకరణాల సృష్టిలో ప్రభుత్వ పాత్ర పెరగాలి. అమ్మభాషపై అభిమానమున్న కొందరు సాంకేతిక నిపుణులే ప్రస్తుతం అహోరాత్రాలూ కష్టపడుతూ వీటిని రూపొందిస్తున్నారు. అందరూ వాటిని వినియోగించుకోవడానికి వీలుగా అంతర్జాలంలో ఉచితంగా అందుబాటులో ఉంచుతున్నారు. తెలుగును సాంకేతికంగా అభివృద్ధి చేయడంపై పాలకులు పూర్తిస్థాయిలో దృష్టిపెడితేనే నవతరాలను భాష భద్రంగా చేరుతుంది. 


వెనక్కి ...

మీ అభిప్రాయం